Like

...........

Tuesday, 13 March 2012

അഭിമാനിക്കൂ ഈ നേട്ടത്തില്‍ .





നമ്മുടെ രാജ്യത്തെ ഒരു നേതാവ് ലോകത്തു ശ്രദ്ധിക്കപ്പെടുമ്പോള്‍ , മറ്റു ലോക നേതാക്കളെക്കാള്‍ മുന്നിലാകുമ്പോള്‍ നമ്മള്‍ ന്യായമായും ആനന്ദത്തിലാറാടേണ്ടതാണ് , അതു ആഘോഷിക്കേണ്ടതുമാണ്. പക്ഷെ ബിസിനസ്സ് ഇന്‍സൈഡര്‍ എന്ന മാസികയില്‍ നമ്മുടെ സ്വന്തം സോണിയാ ഗാന്ധി ലോകത്തെ ഏറ്റവും സമ്പന്നരായ രാഷ്ട്രീയ നേതാക്കളില്‍ നാലാം സ്ഥാനത്തുണ്ടെന്നറിഞ്ഞിട്ടും നമ്മളതില്‍ അഭിമാനിക്കുന്നില്ല എന്നല്ല അറിഞ്ഞ ഭാവം പോലും നടിക്കുന്നില്ല - എന്തൊരു ജനതയാണിത് ??? നന്ദികെട്ട വര്‍ഗ്ഗം .


അമേരിക്കന്‍ ബിസിനസ്സ് മാസികയായ Business Insider നടത്തിയ ഒരു അവലോകനത്തില്‍ ലോകത്തെ ഏറ്റവും സമ്പന്നരായ 23 രാഷ്ട്രീയ നേതാക്കളില്‍ നാലാം സ്ഥാനവുമായി ഇന്‍ഡ്യക്കാരുടെ അഭിമാനമായ സോണിയാ ഗാന്ധിയുണ്ട് . യു എ ഇ പ്രസിഡണ്ടും സുല്‍ത്താനുമായ ഖലിഫ ബിന്‍ സായിദ് അല്‍ നഹ്യാന്‍ ഒക്കെ സമ്പത്തിന്റെ കാര്യത്തില്‍ നമ്മുടെ സോണിയാജിയെക്കാളും താഴെയാണ് എന്നറിയുമ്പോഴാണ് സുല്‍ത്താന്റെ ഒക്കെ ഒരു ദാരിദ്ര്യം നമുക്കു മനസ്സിലാകുന്നത് .ദുബായി ഭരണാധികാരിയെയും റഷ്യന്‍ പ്രസിഡണ്ടിനെയും അമേരിക്കയിലെ സെനറ്റര്‍മാരെയും ഒക്കെ പിന്തള്ളിയാണ് ലളിത ജീവിതം നയിക്കുന്ന ഈ ജനകീയ നേതാവ് അഭിമാനാര്‍ഹമായ നേട്ടം നേടിയതെന്നോര്‍ക്കുമ്പോള്‍ അന്തരംഗം വീണ്ടും വീണ്ടും അഭിമാനം കൊണ്ടു കുളിരു കോരുന്നു . ദുബായി സുല്‍ത്താനൊക്കെ സമ്പത്തിന്റെ കാര്യത്തില്‍ 14 ആം സ്ഥാനത്താണ് , ഇനിഏതെങ്കിലും അറബി എന്റെ അടുത്തു അഹങ്കാരം കാണിച്ചാല്‍ പറയാല്ലോ ഞങ്ങടെ ഒരു പാര്‍ട്ടി അധ്യക്ഷക്കു പോലും നിന്റെ ഒക്കെ സുല്‍ത്താനെക്കാള്‍ കാശുണ്ടെന്ന് .

ചിലര്‍ ഈ നേട്ടത്തെ ചെറുതാക്കി കാണിക്കാനായി ലളിത ജീവിതം നയിക്കുന്ന ഒരു ഇന്‍ഡ്യന്‍ നേതാവിനെ അപമാനിക്കാന്‍ മനപ്പൂര്‍വ്വം അമേരിക്ക നടത്തിയ ഒരു ഇടപെടലാണ് , ഗൂഡാലോചനായാണ് . സോണിയാ ഗാന്ധി ദാലും ചപ്പാത്തിയും മാത്രം ഭുജിക്കുന്ന ഒരു പാവപ്പെട്ട നേതാവാണ് , മകനാണെങ്കിലോ മണ്ണു ചുമന്നും കുടിലുകളില്‍ അന്തിയുറങ്ങിയും പൊറോട്ടയും കട്ടന്‍ ചായയും കുടിച്ചു കഴിയുന്ന അതിലും പാവപ്പെട്ടവന്‍ ഇങ്ങനെയൊക്കെ പറയുന്നുണ്ട് . വിനയം കൊണ്ടായിരിക്കണം സോണിയാജിക്കും ഇത്തരം കാര്യങ്ങള്‍ ആളുകളെ അറിയിക്കുന്നതിലൊന്നും താല്പര്യമില്ല , എന്തിനു കഴിഞ്ഞ വര്‍ഷത്തെ ഇന്കം ടാക്സ് ഡീറ്റെയിത്സ് പോലും ആരും അറിയുന്നത് ആയമ്മക്കു ഇഷ്ടമല്ല . 2005 ലെ ഇന്‍ഡ്യന്‍ RTI Act പ്രകാരം ഒരു വിവരാവകാശ പ്രവര്‍ത്തകന്‍ കൊടുത്ത അപേക്ഷയിന്മേലാണ് “സുരക്ഷാ കാരണങ്ങളാല്‍ “ തന്റെ സ്വത്തു വിവരം വെളിപ്പെടുത്താനാകില്ലെന്ന് സോണിയാ ഗാന്ധി കട്ടായം പറഞ്ഞത് .ഈ സുരക്ഷാ കാരണങ്ങളെന്നു വെച്ചാല്‍ തന്റെ സ്വത്തു വിവരം അറിഞ്ഞാല്‍ ഏതെങ്കിലും കള്ളന്‍ വന്നു അതെല്ലാം തട്ടിയെടുക്കുമെന്നുള്ള ആശങ്ക കൊണ്ടായിരിക്കണം . നമ്മുടെ കെ ജി ബാലകൃഷ്ണനദ്ദേഹം വിയോജിപ്പു രേഖപ്പെടുത്തിയതൊഴിച്ചാല്‍ സുപ്രീം കോടതി ജഡ്ജി പോലും വിവരാവകാശ നിയമം അനുസരിക്കണമെന്നതാണ് നിയമം , പക്ഷെ കോണ്‍ഗ്രസ്സ് പാര്‍ട്ടി പ്രസിഡണ്ടിനു ഇതൊന്നും ബാധകമല്ല .

പഴയ ചില വാര്‍ത്തകള്‍ .

സ്വിറ്റ്സര്‍ലാന്റിലെ ഏറ്റവും ജനപ്രീതിയുള്ള മാഗസിന്‍ ആണ് ,Schweizer Illustrierte നവംബര്‍ 1991 നവംബര്‍ 11 ആം തിയതിയില്‍ സ്വിസ്സ് ബാങ്കില്‍ അനധികൃത സമ്പാദ്യമുള്ള മൂന്നാം ലോക രാജ്യങ്ങളിലെയും വികസ്വര രാജ്യങ്ങളിലെയും 14 നേതാക്കന്മാരുടെ ഒരു വാര്‍ത്ത പ്രസിദ്ധീകരിച്ചിരുന്നു അതില്‍ 2.5 ബില്ല്യണ്‍ സമ്പാദ്യവുമായി ഒരു ഇന്‍ഡ്യന്‍ നേതാവിന്റെ പേരും ഉണ്ടായിരുന്നു , രാജീവ് ഗാന്ധി ആയിരുന്നു അത് .

സ്വിറ്റ്സര്‍ ലാന്റില്‍ മാത്രം പ്രചാരത്തിലുള്ള ഒരു മാഗസിനു ഭൂരിഭാഗം സ്വിറ്റ്സര്‍ലാന്റുകാര്‍ക്കും അറിയാത്ത ഒരു ഇന്‍ഡ്യന്‍ നേതാവിനെ അപകീര്‍ത്തിപ്പെടുത്തി ആ വിവാദത്തില്‍ പ്രചാരം കൂട്ടണമെന്നോ ജര്‍മ്മന്‍ ഭാഷയില്‍ മാത്രം അച്ചടിക്കുന്ന ആ മാഗസിന്‍ ഇന്‍ഡ്യയില്‍ ചിലവാക്കണമെന്നോ ഉള്ള ദുരുദ്ദേശം ഉണ്ടായിരുന്നിരിക്കില്ല എന്ന് മാത്രമല്ല രാജീവ് ഗാന്ധി കൊല്ലപ്പെട്ടിരിക്കുന്ന ദുഖകരമായ സാഹചര്യത്തില്‍ ഒരു വ്യാജ വാര്‍ത്ത ചമച്ച് പുലിവാല്‍ പിടിക്കാനും മാന്യതയുള്ള ഒരു മാധ്യമവും ആഗ്രഹിക്കുകയില്ല .യഥാര്‍ത്ഥത്തില്‍ ഒരു ബാങ്കില്‍ നിന്ന് വെളിപ്പെട്ട വസ്തുതകള്‍ അവര്‍ പ്രസിദ്ധീകരിക്കുക മാത്രമാണുണ്ടായത് .സ്വേച്ഛാധിപതികളായ ഇന്റോനേഷ്യന്‍ പ്രസിഡണ്ട് സുകാര്‍ണോയും സദ്ദാം ഹുസ്സൈനും അടക്കം വികസ്വര രാജ്യങ്ങളിലെ പത്തിലേറെ നേതാക്കന്മാരുടെ പട്ടികയില്‍ ഒരാളായി മാത്രമാണ് രാജീവ് ഗാന്ധിയുടെ സമ്പാദ്യത്തിന്റെ വാര്‍ത്തയും വന്നത് അതായത് രാജീവ് ഗാന്ധിയെ ഉന്നം വെച്ച് പ്രസിദ്ധീകരിക്കപ്പെട്ട വാര്‍ത്തയൊന്നുമല്ല ഇത് .രാജീവ് ഗാന്ധി 1991 മെയ് മാസത്തില്‍ കൊല്ലപ്പെട്ട ശേഷം അദ്ദേഹത്തിന്റെ വിധവയിലേക്കും ഇളയ മകനിലേക്കും ഈ സമ്പത്ത് കൈമാറ്റം ചെയ്യപ്പെട്ടിരിക്കുന്നതായും മാഗസിനില്‍ പറയുന്നു . സോണിയാ ഗാന്ധിയോ ഉപജാപങ്ങളോ ഇത് വരെ ഈ വാര്‍ത്ത നിഷേധിക്കുകയോ അതിനെതിരെ എന്തെങ്കിലും നിയമ നടപടികള്‍ സ്വീകരിക്കുകയോ ഉണ്ടായിട്ടില്ല .ഓഹരിക്കമ്പോളത്തിന്റെ നിക്ഷേപ സാധ്യതകളുടെ അടിസ്ഥാനത്തിലോ സ്വിസ്സ് ബാങ്കിലെ പലിശ നിരക്കിലോ കണക്ക് കൂട്ടിയാല്‍ 50000 കോടിക്കും 80000 കോടിക്കും മധ്യേയാണ് ഈ സമ്പത്തിന്റെ വര്‍ത്തമാനകാലമൂല്യം .

രാജീവ് ഗാന്ധിക്ക് എവിടെ നിന്നാണീ പണം ലഭിച്ചിട്ടുണ്ടാകുക എന്നതിലേക്കുള്ള അന്വെഷണമാണ് കൂടുതല്‍ അല്‍ഭുതപ്പെടുത്തുന്നത് . കാരണം ഈ 2.5 ബില്ല്യണ സ്വിസ്സ് ബാങ്കില്‍ നിക്ഷേപിക്കപ്പെട്ടിട്ടുള്ളത് രാജീവ് ഗാന്ധി പ്രധാന മന്ത്രിയാകുന്നതിനും മുമ്പാണ് .അതായത് ബൊഫോഴ്സ് ഇടപാടിന്റെ ബാക്കി പത്രമല്ല ഇതെന്ന് .

“The State Within a State: The KGB in the Soviet Union” ഒരു ബെസ്റ്റ് സെല്ലര്‍ പുസ്തകമാണ് , Yevgenia Albats ആണ് ഈ കൃതി എഴുതിയിരിക്കുന്നത് . റഷ്യന്‍ ചാര സംഘടനയായ കെ ജി ബിക്ക്(Komitet gosudarstvennoy bezopasnosti or Committee for State Security). റഷ്യന്‍ ഗവണ്മെന്റിന്റെ മേലും മറ്റ് രാജ്യങ്ങളുമായുള്ള നയതന്ത്ര ബന്ധങ്ങളിലും ഉള്ള സ്വാധീനവും അതിന്റെ പ്രവര്‍ത്തന രീതികളെയും പരാമര്‍ശിച്ചുള്ള ഒരു കൃതിയാണ് .
റഷ്യന്‍ ഗവണ്മെന്റില്‍ വളരെയധികം സ്വാധീനമുള്ള , ഉന്നതാധികാര സമിതികളില്‍ അംഗമായിരുന്ന Dr. Yevgenia Albats, Ph.D[Harvard] ഒരു പ്രമുഖ പത്രപ്രവര്‍ത്തക കൂടിയാണ് . കമ്യൂണിസ്റ്റ് പാര്‍ട്ടിയില്‍ ഗോര്‍ബച്ചേവിനെതിരെ നടന്ന ഒരു ആഭ്യന്തരനീക്കത്തില്‍ കെ ജി ബി ക്കുള്ള പങ്കിനെക്കുറിച്ച് റഷ്യന്‍ ഗവണ്മെന്റ് 1992 ല്‍ നിയോഗിച്ച ഒരു അന്വേഷണക്കമ്മീഷനില്‍ അംഗമായിരുന്നു യെവ്ജീനിയ .കെ ജി ബി യുടെ ഉന്നതോദ്യോഗസ്ഥരുമായി സംസാരിച്ചു തെളിവെടുക്കാനും കെ ജി ബി യുടെ അതീവ രഹസ്യ രേഖകള്‍ പരിശോധിക്കാനും ഉള്ള അധികാരം ഈ കമ്മീഷനുണ്ടായിരുന്നു .ഇതിനെ ആസ്പദമാക്കിയാണ് അവര്‍ ഈ കൃതി രചിച്ചിട്ടുള്ളത് . ഇന്‍ഡ്യന്‍ പ്രധാന മന്ത്രിയുടെ , ലണ്ടനില്‍ പഠിച്ച് കൊണ്ടിരുന്ന മകനെക്കുറിച്ച് പരാമര്‍ശിക്കുന്നുണ്ട് .അമേരിക്കയുമായുള്ള കിടമത്സരത്തില്‍ ഇന്‍ഡ്യന്‍ ഗവണ്മെന്റ് സോവിയറ്റ് യൂണിയന് നല്‍കേണ്ട നല്‍കേണ്ട പിന്തുണ വളരെ അത്യന്താപേക്ഷികമാണ് അതിന് വേണ്ടി അടുത്ത പ്രധാനമന്ത്രിയാവാന്‍ [ഇന്‍ഡ്യയില്‍ പിന്തുടര്‍ച്ചാ രാജവാഴ്ചയാണല്ലോ ] ലണ്ടനില്‍ പഠിച്ച് കൊണ്ടിരിക്കുന്ന രാജീവ് ഗാന്ധിയെ കരുവാക്കാനായാണ് കെ ജി ബി ഈ പൈസ ചിലവഴിച്ചതത്രെ അതിനെ സംബന്ധിച്ച് അവരെഴുതിയ ഈ കൃതിയില്‍ കെ ജി ബി രാജീവ് ഗാന്ധിക്ക് സംഖ്യ കൊടുത്തതും അതിന് റഷ്യന്‍ സര്‍ക്കാറിന്റെ ഔദ്യോഗിക രേഖകളുടെ ക്രമ നമ്പര്‍ സഹിതമാണ് .ഇത് ഇത് വരെ റഷ്യന്‍ സര്‍ക്കാര്‍ ഈ വിവരങ്ങള്‍ നിഷേധിക്കുകയോ പുസ്തകത്തിനെതിരെ രാജീവ് ഗാന്ധിയുമായി ബന്ധപ്പെട്ട ആരും പരാതിപ്പെടുകയോ ചെയ്തിട്ടില്ല .

കേംബ്രിഡ്ജ് യൂണിവേഴ്സിറ്റ്യില്‍ രാജീവ് ഗാന്ധി പഠിച്ച് കൊണ്ടിരിക്കുന്ന കാലത്ത് അന്റോണിയോ മേയ്നോ എന്ന യുവതിയെയാണ് കെ ജി ബി ഇതിനെ ഇതിനായി നിയോഗിച്ചത് .രാജീവ് ഗാന്ധിയുടെ സഹപാഠിയോ ആ കോളേജിലെ വിദ്യാര്‍ത്ഥിയോ അല്ലാത്ത , കേംബ്രിഡ്ജ് സിറ്റിയില്‍ ഒരു റെസ്റ്റോറന്റിലെ ജീവനക്കാരിയായിരുന്ന ഈ അന്റോണിയോ മെയ്നോ ആണ് നമ്മുടെ സോണിയാ ഗാന്ധി !!!

സ്വന്തം ഇച്ഛാ ശക്തി കൊണ്ട് രാഷ്ട്രീയത്തില്‍ നേതൃപാടവം കാട്ടിയ ഒരു വിധവയായ സ്ത്രീയെക്കുറിച്ച് വൃത്തികെട്ട ആരോപണങ്ങളാണിതെല്ലാമെന്ന് വേണമെങ്കില്‍ വാദിക്കാം പക്ഷെ ഇന്‍ഡ്യയിലെ ഒരു പ്രമുഖ രാഷ്ട്രീയകക്ഷിയായ ജനതാപാര്‍ട്ടിയുടെ ഔദ്യോഗിക വെബ് സൈറ്റില്‍ ഈ വിവരങ്ങളെല്ലാം കൊടുത്തിട്ടും ഒരു മാനനഷ്ടക്കേസോ അതല്ലെങ്കില്‍ ഒരു പ്രതിഷേധ പ്രസ്താവനയോ എങ്കിലും നടത്താത്തത് വളരെ കഷ്ടമാണ് എന്നെ പറയാനുള്ളൂ .പക്ഷെ സുബ്രമുണ്യന്‍ സ്വാമി കെ ജി ബിയുമായി ബന്ധപ്പെട്ട രേഖകള്‍ സഹിതം സി ബി ഐ അന്വേഷണം ആവശ്യപ്പെട്ട് കൊണ്ട് ഡല്‍ഹി ഹൈക്കോര്‍ട്ടില്‍ ഒരു പരാതി കൊടുത്തിരുന്നു അന്നത്തെ വാജ്പേയി മന്ത്രി സഭ ഈ അന്വേഷണത്തില്‍ നിന്ന് പിന്തിരിയുകയാണുണ്ടായത് .പക്ഷെ പിന്നീട് സി ബി ഐ യുടെ ചുമതലയുണ്ടായിരുന്ന വസുന്ധര രാ‍ജ സിന്ധ്യ ഈ കേസ് സി ബി ഐ ക്ക് കൈമാറിയെങ്കിലും വാജ്പേയി ഇടപ്പെട്ട് രണ്ട് വര്‍ഷം നീണ്ട അന്വേഷണം അവസാനിപ്പിക്കുമ്പോള്‍ ഒരു എഫ് ഐ ആര്‍ പോലും ഫയല്‍ ചെയ്തിട്ടുണ്ടായിരുന്നില്ല .

ബൊഫോഴ്സ് കേസ് കോണ്‍ഗ്രസ്സുകാര്‍ ഭരിക്കുമ്പോള്‍ തെളിവില്ല എന്ന രസകരമാ‍യ കാരണം പറഞ്ഞു പിന്‍ വലിച്ചതിലൊരു ന്യായമുണ്ടെന്നു നമുക്ക് തമാശക്കെങ്കിലും പറയാം പക്ഷെ രാഷ്ട്രീയ എതിരാളികളാ‍യ സോണീയാ ഗാന്ധിക്കെതിരെയുള്ള കേസില്‍ അടല്‍ ബിഹാരി വാജ്പേയി എന്ന സത്യസന്ധനെന്തു താല്പര്യമെന്നത് ഒരല്‍ഭുതമാണ് . ഇക്കഴിഞ്ഞ തിരഞ്ഞെട്ടുപ്പില്‍ ഒരൂ കോണ്‍ഗ്രസ് നേതാവ് - ആന്റണിയാണോ ഉമ്മനാണോ എന്നു ഓര്‍മ്മയില്ല - ‍പ്രചരണത്തിനിടെ പറഞ്ഞു അടല്‍ ബിഹാരി വാജ്പേയിയുടെ ഭരണ കാലത്ത് മരുമകന്‍ രഞ്ചന്‍ ഭട്ടാചാര്യ ചെയ്ത അഴിമതിക്ക് കയ്യും കണക്കുമില്ലായിരുന്നത്രെ , എന്നിട്ടും അതൊന്നും ഉന്നയിക്കാത്തത് കോണ്‍ഗ്രസ്സുകാരുടെ മാന്യത മൂലമായിരുന്നുവെന്ന് .ജനങ്ങളോട് എത്ര ഉളുപ്പില്ലാതെയാണ് ഇവര്‍ ഇങ്ങനെ പറയുന്നത് ? സത്യത്തില്‍ ഉളുപ്പില്ലാത്തത് നമുക്കല്ലെ അല്ലെങ്കില്‍ ഇങ്ങനെ പറയാന്‍ നാമവരെ അനുവദിക്കുമായിരുന്നോ ?


ഇടക്കിടെ സോണിയാ ഗാന്ധി അജ്ഞാത രോഗത്തിനു അമേരിക്കയില്‍ ചികിത്സക്കു പോകുമ്പോള്‍ ആയമ്മക്കു ഒന്നും വരുത്തരുതേയെന്നു മുട്ടിപ്പായില്‍ പ്രാര്‍ത്ഥിക്കുന്ന അനേക ലക്ഷങ്ങളില്‍ ഒരുവനാണ് ഞാനും പക്ഷെ ഇപ്പോള്‍ പറഞ്ഞു കേള്‍ക്കുന്നത് അമേരിക്ക വഴി പോകുന്ന ഈ ഫ്ലൈറ്റിനു സ്വിറ്റ്സര്‍ലാന്റിലോ മറ്റോ ആണ് ലാന്റിങ്ങ് എന്നാണ് , അവിടെയാണ് ആര്‍ക്കുമറിയാത്ത ഈ അജ്ഞാത രോഗത്തിനുള്ള മരുന്ന് എന്നാണ് , അത്രയും സമാധാനമുണ്ട് . ലോകത്തിലെ ഏറ്റവും വലിയ ജനാധിപത്യ രാജ്യമാണ് ഇന്‍ഡ്യയെന്നും ഇന്‍ഡ്യയില്‍ ജനാധിപത്യ ഭരണ ക്രമമാണെന്നുമൊക്കെയാണ് കാലങ്ങളായി നാം ധരിച്ചു വെച്ചിരിക്കുന്നത് , സംഗതി ഒരു കണക്കിനു ശരിയുമാണ് - വോട്ടെടുപ്പുണ്ട് , തിരഞ്ഞെടുപ്പു മുറയ്ക്കു നടക്കുന്നുണ്ട് , പാര്‍ല്യമെന്റില്‍ ഒച്ചപ്പാടും ബഹളവും ആവുമ്പോലെയുണ്ട് - ഇതൊക്കെ കണ്ടിട്ടും ചില സമയത്തു ഒരു വിശ്വാസക്കുറവാണ് , എന്തെങ്കിലും മാനസിക വൈകല്യമായിരിക്കണം കാരണം എന്നു സമാധാനിക്കാം .


അനുബന്ധം :

ഈ ബ്ലോഗില്‍ എഴുതിയിരിക്കുന്ന വിവരങ്ങള്‍ Business Insider നടത്തിയ തിരഞ്ഞെടുപ്പിനെയും BBC News ,Times of India മുതലായ മുഖ്യധാരാ മാധ്യമങ്ങളില്‍ വന്ന വാര്‍ത്തകളെയും അടിസ്ഥാനമാക്കിയാണ് . ഡോക്ടര്‍ സുബ്രമുണ്യന്‍ സ്വാമി ഇതേ വിഷയത്തില്‍ സി ബി ഐ അന്വേഷണം വേണമെന്ന് ആവശ്യപ്പെട്ട് കൊണ്ടു 2001 ല്‍ ഡല്‍ഹി ഹൈക്കോര്‍ട്ടില്‍ കൊടുത്ത പരാതിയും അദ്ദേഹത്തിന്റെ പാര്‍ട്ടിയുടെ വെബ് സൈറ്റായ http://janataparty.org/ ല്‍ കൊടുത്തിരിക്കുന്ന വിവരങ്ങളെയും ഈ ആര്‍ട്ടിക്കിള്‍ എഴുതാന്‍ ഉപയോഗിച്ചിട്ടുണ്ട് . അതായത് എന്റെ പേരില്‍ കുറ്റമില്ലാന്ന് തന്നെ :) .

1. ഹിന്ദുവിലും ടൈംസ് ഓഫ് ഇന്‍ഡ്യയിലുമായി 1992 - ല്‍ ഇതേ സംബന്ധിച്ചു വന്ന വാര്‍ത്തയുടെ പേപ്പര്‍ കട്ടിങ്ങ് ഇവിടെ കാണാം
News Clipping from Times of India 27.6.92 and Hindu dt. July 4, 92 regarding receipt of payment by Rajiv Gandhi & family from KGB.

2.An unofficial translation of V.Chebrikov, KGB Chief’s,letter to the Central Committee of Communist Party of Soviet Union regarding payment to Rajiv Gandhi’s family. ലെറ്റര്‍ ഇവിടെ വായിക്കാം .


Ref :1. http://www.businessinsider.com/richest-politicians-in-the-world-2012-2?op=1
2.http://ibnlive.in.com/news/sonia-refuses-to-disclose-details-of-her-it-returns/233202-37-64.html
3.http://www.bbc.co.uk/news/world-asia-india-17151594
4.http://janataparty.org/

Picture Courtesy : Google

14 comments:

  1. This comment has been removed by the author.

    ReplyDelete
  2. ഇടക്കിടെ സോണിയാ ഗാന്ധി അജ്ഞാത രോഗത്തിനു അമേരിക്കയില്‍ ചികിത്സക്കു പോകുമ്പോള്‍ ആയമ്മക്കു ഒന്നും വരുത്തരുതേയെന്നു മുട്ടിപ്പായില്‍ പ്രാര്‍ത്ഥിക്കുന്ന അനേക ലക്ഷങ്ങളില്‍ ഒരുവനാണ് ഞാനും പക്ഷെ ഇപ്പോള്‍ പറഞ്ഞു കേള്‍ക്കുന്നത് അമേരിക്ക വഴി പോകുന്ന ഈ ഫ്ലൈറ്റിനു സ്വിറ്റ്സര്‍ലാന്റിലോ മറ്റോ ആണ് ലാന്റിങ്ങ് എന്നാണ് , അവിടെയാണ് ആര്‍ക്കുമറിയാത്ത ഈ അജ്ഞാത രോഗത്തിനുള്ള മരുന്ന് എന്നാണ് , അത്രയും സമാധാനമുണ്ട് .

    ReplyDelete
  3. സുജിത്13 March 2012 at 07:24

    സോണിയ ഗാന്ധിയുടെ കണക്കില്‍ പെടാത്തതും കള്ളപണവും സ്വിസ് ബാങ്കിലെ അറിയാത്ത നിക്ഷേപങ്ങളും ഒക്കെ കണക്കില്‍ എടുത്താല്‍ അവര്‍ ഒന്നാം റാങ്കില്‍ തന്നെ ആയിരിക്കും. ബഹുവേഗം മുന്നില്‍....

    ReplyDelete
  4. ആയമ്മ അവസാനം പാവപ്പെട്ട കൊണ്ഗ്രസ്കാരെ ഒറ്റക്കാക്കി ഇറ്റലിയില്‍ രാഷ്ട്രീയ അഭയം തേടിയാല്‍ അത്ഭുതപ്പെടേണ്ട കാര്യമൊന്നുമില്ല. അതിനാണ് സാധ്യതയും. കോടതി കാര്യം മുറ പോലെ ആണെങ്കിലും, "മുറ തെറ്റാറില്ല" എന്നുള്ളത് മറക്കണ്ട. മാത്രമല്ല, സത്യത്തിന്റെ മുഖം സ്വര്‍ണപത്രം കൊണ്ട് മൂടിയാലും ഒരു ദിനം തുറക്കപ്പെടും എന്നാണു പ്രമാണവും.

    ReplyDelete
  5. എന്തിനാ ഇറ്റലിക്കു പോകുന്നത് ? ഇവീടെ ആയമ്മക്കു എന്തിനെങ്കിലും ഒരു കുറവുണ്ടോ ? രാജ്യത്തെ നിയമം പോലും അവര്‍ പറയുന്നതിനനുസരിച്ചാണ് . ഇറ്റലിയില്‍ പോയിട്ടു എന്താക്കാനാണ് ?

    ReplyDelete
  6. അതായത് എന്റെ പേരില്‍ കുറ്റമില്ലാന്ന് തന്നെ :)

    :)

    ReplyDelete
  7. ശോ.. വെറുതെ തെറ്റിദ്ധരിച്ചു! മാധ്യമധര്‍മം എന്താണെന്ന് അറിയാത്ത പാശ്ചാത്യവിദേശമാധ്യമ കുത്തകകളെ ബഹിഷ്കരിക്കുക. എത്രയും പെട്ടെന്ന് അഖിലേന്ത്യ തലത്തില്‍ ഒരു ബക്കറ്റ്‌ പിരിവ് നടത്തി ഈ നിര്‍ദ്ധനകുടുംബത്തിന് ഒരു കാറും കൂരയും പണിത് കൊടുക്കണം
    http://www.hindu.com/2009/04/07/stories/2009040761121000.htm
    http://ibnlive.in.com/news/sonia-owns-house-in-italy-no-car-in-india/89595-37.html

    അസൂയ മൂത്ത സ്വാമിയേ എത്രയും പെട്ടെന്ന് തുരുന്കിലടക്കണം. എന്തെല്ലാം അപവാദ പ്രചാരണങ്ങള്‍ ആണ് ഇങ്ങേര് നടത്തുന്നത്

    ReplyDelete
  8. This comment has been removed by the author.

    ReplyDelete
  9. ഒരു കഥ കേട്ടിട്ടുണ്ട് ....
    സോണിയ ഗാന്ധിയുടെ ഭര്‍ത്താവിന്റെ മുത്തച്ഛന്‍ പണ്ട് ബ്രിട്ടീഷുകാരെ വെല്ലു വിളിച്ചത്രേ ...
    ഇന്ത്യയിലെ മുഴുവന്‍ ഭൂമിയും വില്‍ക്കാന്‍ അവര്‍ തയ്യാര്‍ ആണെങ്കില്‍ നാട്ടുനടപ്പുള്ളത്തിലും കൂടിയ വിലയ്ക്ക് ആ ഭൂമി മുഴുവന്‍ താന്‍ വാങ്ങികൊള്ളാം എന്ന് !
    ഉള്ളതോ കള്ളമോ ....
    ഗാന്ധി കുടുംബത്തിന്റെ പരമ്പരാഗത സ്വത്തിനെയും അതില്‍ നിന്നും ആര്ജ്ജിതമാകുന്ന സ്വത്തിനെ കുറിച്ചുമുള്ള അന്വേഷണമോ പരാമര്‍ശങ്ങളോ ഇല്ലാത്തിടത്തോളം ഈ ബ്ലോഗ്‌ ഈസ്‌ ജസ്റ്റ് ക്രാപ്പ് !!!

    ReplyDelete
  10. സോണിയാ ഗാന്ധിയുടെ ഭര്‍ത്താവിന്റെ മുത്തച്ഛന്‍ എന്നു പറയുമ്പോള്‍ ജവഹര്‍ ലാല്‍ നെഹൃ ആയിട്ടു വരും .അവര്‍ പാരമ്പര്യമായി ജന്മികളായിരുന്നു , സമ്പന്നരുമായിരുന്നു . പക്ഷെ ബ്രിട്ടീഷുകാരോടിങ്ങനെ ഒരു വെല്ലുവിളീ നടത്തി എന്നു പറയുമ്പോള്‍ എനിക്കു വേറെ ഒരു കഥ ഓര്‍മ്മ വരുകയാണ് . സ്വാതന്ത്ര്യ പൂര്‍വ്വാനന്തര ഭാരതത്തില്‍ ബ്രിട്ടീഷുകാര്‍ക്കു കപ്പം കൊടുത്ത് , അവരുടെ സംരക്ഷണയില്‍ കഴിയുന്ന ഒരു നാട്ടു രാജാവ് - കരം പിരിവില്‍ വന്ന അഭിപ്രായ വ്യത്യാസത്തെത്തുടര്‍ന്ന് അവര്‍ക്കെതിരെ യുദ്ധം പ്രഖ്യാപിച്ചു , ബ്രിട്ടീഷുകാരോടല്ല സ്വന്തം അനുയായി വൃന്ദങ്ങളോടാണ് ഈ പ്രഖ്യാപനം നടത്തിയത് - പ്രഖ്യാപനം ഏതാണ്ട് ഇങ്ങനെയായിരുന്നു - ഈ ബ്രിട്ടീഷുകാരൊന്നുമല്ല , നമ്മളെല്ലാം ഒന്നു ആഞ്ഞു തുപ്പിയാല്‍ മുങ്ങിപ്പോകാന്‍ മാത്രമേയുള്ളൂ ഈ ബ്രിട്ടീഷുകാര്‍ - ഇതെല്ലാം കേട്ടൂ പടയാളികള്‍ ആവേശ ഭരിതരായി നില്‍ക്കുമ്പൊള്‍ പടനായകന്‍ സ്വകാര്യമായി രാജാവിനോട് പറഞ്ഞത്രെ - സംഗതി അങ്ങ് പറയുമ്പോലെ നമ്മളോന്നു ആഞ്ഞു തുപ്പിയാല്‍ മുങ്ങിച്ചാവാ‍നുള്ളതേയുള്ളൂ , പക്ഷെ അവര്‍ക്കു കപ്പം കൊടുത്ത് ജീവിക്കുന്ന നമുക്കു അവരെ കാണുമ്പോഴെക്കും ഉമിനീരു വറ്റിപ്പോവില്ലെ രാജാവെ എന്ന് - ഉള്ളതോ കള്ളമോ മേല്‍പ്പറഞ്ഞ കഥ പോലെ തന്നെയാണ് നെഹൃവിന്റെ ഉള്ളതോ ഇല്ലാത്തതോ ആയ വീര വാദവും . അതായത് ഒരിക്കല്‍ പോലും ബ്രിട്ടീഷുകാരെ പിണക്കാനോ അവരോട് എതിരിടാനോ നില്‍ക്കാതെ ബ്രിട്ടീഷുകാര്‍ സ്വാഭാവികമായി ഭരണം അവസാനിപ്പിച്ചു പോകുന്ന കാലം വരെ സ്വസ്ഥതയോടെ കാത്തു നില്‍ക്കുകയായിരുന്നു മഹാത്മാഗാന്ധിയും നെഹൃവും അടക്കമുള്ള അന്നത്തെ സ്വാതന്ത്ര്യ സമര സേനാനികള്‍ . അതെന്തിങ്കിലുമാകട്ടെ ഇപ്പോള്‍ സോണിയാജിയുടെ പാരമ്പര്യ - ആര്‍ജ്ജിത സ്വത്തിന്റെ മതിപ്പാണ് ഇതെങ്കില്‍ അവരെന്തിനു അതു മറച്ചു വെക്കണം , കഴിഞ്ഞ തിരഞ്ഞെടുപ്പ് കാലത്ത് അവരുടെ മൊത്തം സ്വത്ത് ഒരു കോടിയില്‍ താഴെ മാത്രമാണെന്ന് സത്യവാങ്ങ് മൂലം നല്‍കണം - അവര്‍ ആര്‍ജ്ജവത്തോടെ പറയട്ടെ ഇതെല്ലാം എന്റെ സ്വത്താണെന്ന് . കെ ജി ബി പണം നല്‍കിയെന്നും അത് സ്വിസ് ബാങ്കിലുണ്ടെന്നും സുബ്രമുണ്യം സ്വാമി പാര്‍ട്ടിയുടെ വെബ് സൈറ്റിലും പരസ്യമായും ആരോപിച്ചിട്ടൂം മൌനം അവലംബിക്കുന്നതെന്തിന് ?

    ReplyDelete
  11. പിന്നെ എന്റെ ബ്ലോഗ് ക്രാപ് തന്നെയാണ് ,അതിപ്പോ ആര് അല്ലെന്നു പറഞ്ഞാലും ഞാന്‍ സമ്മതിക്കില്ല :)

    ReplyDelete
  12. Mr. Alchemist..you are great...salute you..good work..keep going

    ReplyDelete
  13. "...നമ്മുടെ സ്വന്തം സോണിയാ ഗാന്ധി ലോകത്തെ ഏറ്റവും സമ്പന്നരായ രാഷ്ട്രീയ നേതാക്കളില്‍ നാലാം സ്ഥാനത്തുണ്ടെന്നറിഞ്ഞിട്ടും നമ്മളതില്‍ അഭിമാനിക്കുന്നില്ല എന്നല്ല അറിഞ്ഞ ഭാവം പോലും നടിക്കുന്നില്ല - എന്തൊരു ജനതയാണിത് ??? നന്ദികെട്ട വര്‍ഗ്ഗം."

    - അതെ എന്തൊരു നന്ദികെട്ട വര്‍ഗ്ഗം!!!

    വിഷ്ണൂ, ഈ വിഷയം എടുത്തെഴുതാന്‍ കാണിച്ച ചന്കൂറ്റത്തെ അഭിനന്ദിക്കാതെ വയ്യ.

    ReplyDelete
  14. വിഷയത്തെ സംബന്ധിക്കുന്ന അനുകൂലമോ പ്രതികൂലമോ ആയ അഭിപ്രായങ്ങളെ സ്വാ‍ഗതം ചെയ്യുന്നു .

    ReplyDelete

വിഷയത്തെ സംബന്ധിക്കുന്ന പ്രതികൂലമായതോ അഡീഷണല്‍ ഇന്‍ഫര്‍മേഷനോ മാത്രം സ്വാഗതം ചെയ്യുന്നു .